موضوع متكامل عن برامج ومستلزماتا تحت اشراف الجنتل عاصم الجنك

الموضوع ده يا جماعة مخصص بس للتليفون الاكثر من رائع السونى إريكسون v630i وكل واحد عنده إضافة للتليفون ده ياريت يحطها فى الموضوع ده.. عشان يبقى عندنا اكبر مكتبة برامج وثيمات ورنات كمان للتليفون ده..

وبسم الله هبدا الاول احطلكم حبة اكسسوارات متوافقة مع التليفون v630i

اولا احب اوضح نقطة مهمة جدا هى ان التليفون v630i هو هو التليفون k618i يعنى اى حد بيعمل search يدور بكلا الاسمين لانهم عدة واحدة بس شركة فودافون لما خدت خد إنتاج العدة دى من سونى إريكسون غيرت اسمه بما يتوافق ورؤيتها للموضوع..

اولا ده شكل العدة عشان إللى ميعرفش شكلها..ودى إللى فى العرض بتاع شركة فودافون





دى بقى هى هى العدة بس بلون الابيض ودى مش متوفرة اصلا فى الشرق الاوسط ..



-------------------------------------------------------------------------------
نيجى بقى للاكسسوارات إللى متوافقة مع العدة دى..

بصوا يا جماعة العدة دى من العدد الحديثة لشركة سونى اريكسون ومعنى كده انها متوافقه مع جميع اكسسوارات العدد الاخرى الحديثة فقط من شركة سونى اريكسون
يعنى مثلا الشاحن فى السونى اريكسون استاندرد يعنى كلو بيشحن بشاحن واحد.

وعلى فكره سعر الشاحن ده فى التوكيل 150 جنيه مصرى وفى اكسيوم تليكوم ب 111 جنيه مصرى.

نيجى لموضوع الفلاش عيب العدة دى انها مفهاش فلاش... هى ليها فلاش بيركب عليها بس المشكله انه لسة مش متوافر بس لو عرفت سكه ليه هقولكوا علطول وهو بيركب عادى مكان الشاحن والسماعات وبيشتغل اوتوماتيك اول ما بتصور ..ودى صورة الفلاش المتوافق مع العدة v630i.

اسمه Flash MXE-60



وانا هحاول بإذن الله اعرف مكان نجيبه منه وبكام...
--------------------------------------------------------------------------------
نيجى للاكسسوارات الموسيقية الجامدة جداااااااااااااااااااااااااااااااااااااا...

دى الوصله إللى ممكن من خلالها انك توصل الموبيل بالصب ووفر عالطول وتسمع الصوت بنقاء ديجتال وبأعلى صوت فى الصب كمان...واسمها Music Power Pack MPP-60

---------------------------------------------------------------------------------
ودى وصله الهيدفون وممكن تشيل الهيدفون بتاع الموبيل وتحط بدلا منه هيدفون كبير زى بتاع الكمبيوتر مثلا والاشد من كده انك ممكن تشيل الهيد فون خالص وتوصله على كاسيت العربية زى الMP4 بالظبط واسمع اغانيك المفضله على سماعات العربية عن طريق شريط الكاسيت الاسود إللى بيتباع فى كل حتة وإللى بيخلى الصوت يطلع من الموبيل او ال MP4 على سماعات العربية.
والوصلة دى اسمها جهاز استريو غير يدوي محمول HPM-70
ودى صورتها


دلوقتى بقى جه معاد المواقع إللى إللى هتلاقوا فيها ثيمات وتغمات وبرامج وسكرين سيفر للموبيل السونى إريكسون v630i..
()
()

()

ودى حبة ثيمات للموبيل انا كنت منزلها من كذا موقع كده وضغطهم واهم تحت امركم..

()


دى بقى البرامج إللى عندى ..اهى برضه تحت امركم..


وده برنامج مش للموبيل ده احسن برنامج لتقطيع الMP3 ومش بيأثر على جودة الصوت إطلاقا..عشان تقطعوا بيه النغمات إللى إنتوا عايزنها من على الكمبيوتر...
()

ودى خلفيات ثابتة ومتحركة بس إن شاء الله هتعجبكوا....
()

نيجى بقى للنغمات..
دول نغمات اغنية انا العبد للشيخ مشارى بن راشد العفاسى حاجة تحفة بجد مع أذانين للشيخ عبد الباسط عبد الصمد ينفع تحطهم كتنبيه لموعد صلاة الفجر وانا نفسى عاملهم كده..
()

ودول اذكار الصباح والمساء والنوم وودخول السوق والمقابر و و و كل الاذكار وبمساحة صغيرة وصوت نقى جدا وبصوت الشيخ مشارى بن راشد العفاسى... إجعلوها دائما على موبيلاتكم حتى تنبض بذكر الله....
()

ويارب يكون الموضوع عجبكم وليا بس طلب عندكم الدعاء ليا بظهر الغيب ليس إلا ..وجزاكم الله خيرا اخوتى فى الله..

واى استفسار او خدمة انا تحت امركم بإذن الله تعالى مادام فى حدود إستطاعتى..

وياريت اى حد عنده حاجة يقدر يزود بيها الموضوع ده ميبخلش بيها علينا ...